Қаржы және Экономика Мектебінің 2 курс студенттері «Экономика және әлеуметтік ғылымдар» кафедрасының сениор-лекторы Есенғалиева Қаламқас Сембайқызы жетекшілігімен «Ұлы Жеңіс жасасын!» атты кеш өткізді.  Кешке Алмалы ауданының тұрғындары, соғыс кезіндегі тыл ардагерлері Кян В.Г. және Бердікұлова Г. арнайы шақырылды.

Тәрбие жұмысын жүргізу аясында университетімізге арнайы шақырылған белгілі қазақстандық дәрігер-кардиолог, медицина ғылымдарының кандидаты В.С.Егай ішімдік пен наркотиктердің зияны туралы өте қызықты дәріс оқыды. Дәріс барысында жастардың ішімдікке, темекі тартуға, наркотиктерге әуестігінің жағымсыз салдарлары мәселесі сөз болды.

ҚБТУ  студенттері Алматы қаласы жастар саясаты Басқармасының Халықаралық ескерткіштер мен тарихи орындарды қорғау күніне арналған шарасына белсенді қатысты. Бұл күнді ерекше орындарды қорғаудың ЮНЕСКО жанындағы Ассамблеясы 1984 жылдың 18 сәуірінен бастап  атап өтуде.

Университетіміздің оқытушылары мен студенттері ҚР Білім және ғылым Министрі Б.Т.Жұмағұловтың «Білім беру сапасы біз үшін ең басты мақсат» интервьюін талқылауға белсене қатысты. Интервьюде білім беруді дамытудың  2011-2020 жылдарға  арналған  Мемлекеттік  бағдарламасын  жүзеге  асырудың  екінші  жылының нәтижелері  қорытындыланған.